مجلة الحياة للأطفال    هاتف ; 048677619
acfa@zahav.net.il

في مؤخرة بطن النحلة إبرة تغرزها
   

يرسمون احلامهم بألوان الحب والفرح حول مائدة الادب في مكتبة اكسال العامة

   
 

 
 



اضافة صور

 
     
تهاليل الأم لطفلها


 

 

 

 

ياقوته: آه ما أجمل كلمات الأغنية! قد دغدغ سامي الصَّغير من خلالها خيالي، وهو مخبأ باللِّحاف!! لكن ذاكرتي يا جدَّتي تحدِّثني بأغنية أخرى كانت أمي تهلِّل لي وأنا طفلة صغيرة!

 تقول كلمات الأغنية:

نامي لله بِبِّبِّي بِبِّبِّي نامي لله

حطيتك بالعلِّيِّي خِفت عليك من الحَيِّي

هزي له يا نوريِّي يمكن على حِسِّك تنام

الجدة: جميل يا جميلتي! فهذه التهليلة تغنيها الأم لطفلتها، لا لطفلها.

 


 لم تغنِّ الأُمّ لطفلها فقط حين أرادت لهُ أن ينام، بل رافق صوتها حركةٌ ناعمةٌ أو هزٌّ بالسرير يميناً ويساراً، أو حركة "المرجيحة" إلى الأمام والخلف، أحياناً بيدها، وأحياناً بوساطة حبلٍ مربوطٍ بالمرجيحة.

تعالوا نتمتَّع بكلمات إحدى هذه الأغاني:

نيَّمته في المرجوحة

وخفت عليه من الشوحه

هزيلو يا ربيحه

بلكي عَ صوتك ينام

حطيته في جوا السرير

ولبَّسته ثياب الحرير

هِزيله يا بنت الأمير

بلكي عَ صوتك (حسِّك) ينام

حطِّيته في سرير حديد

خفت عليه من العبيد

هزِّيله يا أم سعيد

بلكي عّ صوتك ينام

نيَّمته في العِليَّة

وخفت عليه من الحَيَّة

هزيله يا بهيِّه

بلكي عَ صوتك ينام

 

 

من تهاليل الأم العربيّة المسلمة:

               هللَّت مكِّة وقالت مِرحبا يا زايرين

   مرحبا بالشيخ منكم والشباب التابعين

 هلِّلي له يا حمامي وانفلي ريشك عليه

      يا محبين النبي سلّموا لي عليه

      سلموا تسلموا وأوّل سلامي عليه

    يا نجوم الظلام وين بنتي تنام

     تحت قطر الندى فوق ريش النعام

 

 

 من يافا:

أجا حبيبي عندي بضوِّ الأمَرْ

والأمَرْ ما هو ضاوي شو أساوي

يا حامض يا لفاني يا زيِّ حلالْ

راح حُبّي عالدكاني وبعدو ما طلّ

واسنانو شكِّ اللّولو شو بَؤُلُّو

الله يخلِّي لي طولو ولإمو يظلّ

 

 

 من حيفا:

يا ستي ويا ستي

غاب القمر جيت إنتي

غاب القمر وانجومو

غاب القمر وين كنتي

يا ستي ويا ستي

ضوت علي بنتي

 

 

ومن تهاليل الأم العربيّة المسيحية:

نامي لله ببيِّيِّ

 ببيِّيِّ نامي لله

حطيتك بالعلِّيي

خفت عليك من الحيِّي

هزي لها نوريي

يمكن على حسِّك تنام

حبيبتي فشّ مثلك في بلدنا

ولا الزينات مثلك ما جبنّا

يا ريتك في حفظ بطرس وحنّا

من العثرات ودروب الرَّديّا

 يا عذرا يا إم النُّور

يا إم الشّامه والبَخُّور

يا عذرا ويا ستِّي

سلام الله عليك انتي

هِلَّلَّه ياكو ليِّي

يا أمِّ عقوص مدَلَّيي

مدلَّيي في البيريِّي

أعطيتك حريريِّي

والحرير بطياتو

خيِّيِ يسلِّم ديّاتو

*قشّه بطّه وزّه*

قشّه بطّه وزّه

نُطّي ميلي هِزِّي

بلادي الحِلوه حلوه

فيها عكا وغزَّة

قشّه بطّه وزِّه

فيها نور الأقصى

وفيها صبح ومسا

المجد اللّي ما بينتسى

يقول يا أرضي اعتزّي

قشّه بطّه وزِّه

وفيها مريم ولدت

وفيها مريم بكيت والعزيمة خلقت

وقالت لا تهتزّي

قشّه بطّه وزِّه

وفيها اللدِّ ويافا

اللي بتحمل عَ كتافا

حمضيات أصنافا

كُلاَّ إلها لِذَّه

قشّه بطّه وزِّه


       

تعليقات الزوار

 
 
 

مكتبة شفاعمرو العامّة تفتتح مشروع أجمل اللّغات في تشرين 2019

الحياة للأطفال أجملُ و"أنغشُ" وأرقُّ وأروعُ طفلةٍ في العالم تطلّ علينا بحلّة تراثيّة وأخرى عالميّة

فرسان الضّاد من سولم قطعة من سماء الوطن ومجرة الضّاد

اكسال العامة بإدارة اخلاص دراوشة تتوّج وتزفُّ خمسين فارسا على ضادنا

وَيَسْبِقُ تكريمُ عرّابة لأبنائها، محمد خربوش بدارنة، ومحمد نعامنة، ويتلوهُ شكرٌ وَوَرْدٌ.

 
   

ضبطت دمشق ساعة الضاد حسب توقيت طرعان في بر...

   
 

هل تحب زيارة موقع الحياة للأطفال؟

نعم

ليس كثيرا

احب قراءة اي شيء

لا يهمني

 
     

صفحة البيت | عن الحياة للاطفال |سجل الزوار | شروط الاستخدام | اتصلوا بنا

Developed by ARASTAR