مجلة الحياة للأطفال    هاتف ; 048677619
acfa@zahav.net.il

في مؤخرة بطن النحلة إبرة تغرزها
   

أتى أخو عرقوب يسأله شيئا، فقال له عرقوب: إذا أطلعت هذه النخلة فلك طلعها. فلمَّا أطلعَتْ أتاهُ، فقالَ له عرقوب :دَعْها حتَّى تصير بلحا.

   
 

 
 



اضافة صور

 
     
ريمي بندلي في حوار خاص لمجلة الحياة للأطفال



ريمي بندلي والحياة للأطفال ...يا عالمْ!
 
 

حوار عبر الشّبكة العنكبوتيّة جمعنا
بأروع من غنّى للأطفال في لبنان:
 

هل تعلمينَ حَجْمَ ودفءَ الحبِّ الذي نكنّه ونحملُه لكِ منذ أن غنيّتِ:
أعطونا الطّفولة في العام 1984؟


بصراحة كِل يوم والتّاني عم بكتشف وافهم هيدا الشي اكتر بواسطة الرسائل الحلوة يلي بعدا  عم توصلني من 28 سنة  بعد ما انعملت هيدي الغنية 
وئت الواحد بكون زغير ما بيستوعب حجم الرسالة بحس انه هوي جزء من شي حلو عم بيصير بس هلأ على كبر الصورة وضحت اكتر بكتير .
 

وهلْ تعلمينَ أنَّك قدْ وَحََّدْتِ العرَبَ من خلال إنسانيّتك في حضورِكِ الرّائع مع الأغنية والرّقصة وبالكلمات العربيّة البسيطة الزّارعة للسّلام في الأراضي المحروقة؟

هيدا شرف كبير لألي انو ئدرت ولو انه شوي اعمل هالشي وخلي العالم تجتمع بالغنية والمعنى 

في العام 1984 حين َ غنّيتِ, من اختار الكلمات واللحنَ ومن أين أتتِ الفكرة المتكاملة؟

غنية اعطونا الطفولة هي رابع غنية لألي  كان في ئبلها "  ايماني
 أحلى ايمان
 
 
 
  " تع تع يا بابا نويل "
 " بعدي زغيري "
وبعدين
 "اعطونا الطفولة"
 
 

بس ازا عم نحكي عن اعطونا الطفولة فكرتها كانت بالصدفة ... من بعد ما طلعت على التلفزيون لأول مرة مع مدام  مها سلامة  طلبوا منا تجمع ولاد كرمال يعملوا رسائل للسفراء يلي جايين بمناسبة راس السنة على لبنان عند رئيس الجمهورية بوئتا كان امين الجميل هيك بلشت الفكرة وانه ريمي راح تغني غنية بتلات لغات 
 
بـ 4 جانيوري 1984 كلمات العربية جورج يمين بالفرنساوي  هدى صيداوي بندلي  بالانجليزي  لينا ابو رستم واللحن لريني بندلي 
 
 
 
هل صِدقُ التّعابير ومساحة الإبتسامة الرّقيقة التي تحملها ريمي بندلي ساهمت في نجاح أغانيك؟

 كل عمري بعمل كل شي من ألبي ( قلبي ) يعني 100% صادقة  ..وقت اضحك ..وقت غنّي ..وقت العب ..يمكن هيدا الشي خلّى العالم يحسني قريبة منُّن! 




عرّفينا بريمي بندلي اليوم!

أنت أمّ أم زوجة أم ما زلتِ طفلة صبيّة تعدنا بالأمومة
وبثلّة من الأطفال البندليين؟

انا اليوم متجوزة وعايشة بالسويد مع جوزي .


ماذا تصنعين بالسويد؟
كيف الحنينُ إلى لبنان؟


انا بشتغل بالسويد بمدرسة خاصة بعلم الموسيقا  والانجليزي لأولاد السويدية ..الحنين اكيد كتير كبير بما انه لبنان مش بس بلدي   بيتي واهلي واصحابي 

وكل حياتي لبنان .

لو أردت أن تكتبي للأطفال الفلسطينيين
رسالة في العام الميلادي الجديد
 فماذا تقولين لهم؟


إنوعلى طول انه بفكر فيون وبحلم شي يوم اجي زورونْ وغنيلونْ يلي بتفرحلون ألبن وألب أهلن وانو بحبن كتير كتيييير كتيييييييير 


ما هي هوايات ريمينا ؟

هواياتي ...الموسيقا واكيد غناني وروح عالسينما والسباحة وأضي وقت مع اصحابي و السفر 


أيٌّ من مغنِّي وأغنيات الأطفال العربيّة والعالميّة تحبينها ؟
 وهل لك أن ترفقي لنا رابطا للأغنية المفضّلة عندكِ للننقلها للأطفال في موقع الحياة للاطفال؟

وانا زغيري بس كنت اسمع شنتال غويا كل استعراضاتها وكليباتها كنت كتير حبون  وحبها لشنتال كتير
  




هل تصفّحت موقع الحياة للاطفال؟


ويب سايت كتير حلو
ان شاء الله بتضلكون بهالهمة الحلوة
 يعطيكون 1000 عافية 

ينعاد عليكن بالصحة يا رب 


Re-Mi Bendali.


       

تعليقات الزوار

1 .

شكراً  Aida Naji

موضوع كتيييييييييييييير رائع سعدت بة من قلبي الله يعطيكم 1000 عافية ..رجعتولي ذكريات حلوة كنت على وشك انساها في إزدحام إنشغالاتنا و همومنا .. و عرفتونا على جانب جديد من شخصية ريمي المحببة لدينا و لدى اطفالنا الان ..و ذكرتيني بشنتال جويا كانت المفضلة لدي ايضا"

- 2011-12-21 05:57:01 -

2 .

ريمي بندلي   فاطمه الخطيب

***** خمس نجوم ريمي بندلي من اكثر مغني الاطفال تاثيرا الى يومنا هذا كل الاحترام لمجلة الحياه للاطفال على هذا التقرير

fatmeh_khteab@hotmail.com - 2011-12-17 07:35:57 - الناصره

3 .

مُقابَله اكثَر من رائِعَه.....  آيه يوسف

فِعلاً لَطالَما حَملني صَوتُها الى ذِكريات ألطُفولَه الجَميله....... واعاد لي ذكريات رائِعه.... شُكراً لَكُم ألحَياه للاطفال ..... دُمتُم مُتألقين...

- 2011-12-14 08:50:28 -

4 .

تحيّة طيّبة لريمي بنت رينيه بندلي... :)  ميكائيل الزّعبيّ

سلامات للـ"الطّفلة" الكبيرة "ريمي"... وشكرًا جزيلًا للـ"الحياة للأطفال" على اغتنام الفرصة والحوار مع السّيّدة "ريمي"... الجميع موفّقين.

michael.o.zoabi@hotmail.com - 2011-12-14 08:48:18 - النّاصرة، الأرض المقدّسة
 
 
 

التقرير المالي للعام 2021 - جمعية اصدقاء الاطفال العرب

التقرير المالي للعام 2021 - جمعية اصدقاء الاطفال العرب

العدد 180 من الحياة للأطفال في حلّة الزّيتون 12-2021

Arab children Friends Association جمعيّة اصدقاء الأطفال العرب

التقرير المالي المدقق للعام 2020 لجمعية اصدقاء الاطفال العرب

 
   

مكتبة جلجولية العامّة تزفُّ فرسانها على...

   
 

هل تحب زيارة موقع الحياة للأطفال؟

نعم

ليس كثيرا

احب قراءة اي شيء

لا يهمني

 
     

صفحة البيت | عن الحياة للاطفال |سجل الزوار | شروط الاستخدام | اتصلوا بنا

Developed by ARASTAR