القلب يحزن والمدامع غزيره :..: في جوفي نارٍ من لهبها تبكيت
والدار ظلمى كانت أمي تنيره :..: يايمه وينك من دونك خلا البيت
قلبي تفطرعلى الفرقه المريره :..: أمنت بالله وبا أقداره ترضيت
الموت حقٍ وكلا له مصيره :..: وموت النبي قبلك يايمه تعزيت
هذا جلالك وريحك في عبيره :..: كل يوم أشمه واذا شفته تهنيت
صوتك يايمه يامحلا أثيره :..: حنانك يمه يخليني تدفيت
يايمه منهو أجيله وأستشيره :..: يعدلني لاشفت الصواب وتنحيت
لو كنت عندي وكني أنا رديرة :..: كلا ينادني يقلي تغليت
لو رحتي يمه وكني في جزيرة :..: وحيد فيها عن الناس تواريت
أجيله وياه في وقت الظهيره :..: ما حدن سأل عني يقولي تغديت
وأبيت ليلي وعيوني سهيره :..: كم من ليالي نايمٍ ما تعشيت
ظروفا يمه تواجهني عسيره :..: الشكوى لله بظروفي تعنيت
لكم تعلمت من معانٍ غزيرة :..: يا منهل التعليم منك تربيت
كم قصة ٍقلتي وللماضي نسيره :..: ولا جيت عندك سواليفك تسليت
اااه يايمه لنظراتي الإخيره :..: مليت كفي ترابآً ثم حثيت
أبشري يمه بدعواةٍ كثيره :..: كل ما ذكرتك وللرحمن صليت
القلب يحزن والمدامع غزيره :..: في جوفي ناراً من لهبها تبكيت
القلب يحزن والمدامع غزيره :..: في جوفي ناراً من لهبها تبكيت
